«Nasaf» va «Metallurg» Turkiyaga jo'nab ketdi

Yangi mavsumga puxta hozirlik ko'rish maqsadida «Nasaf» va «Metallurg» klubi a'zolari Turkiyaning Antaliya shahriga jo'nab ketishdi. Klublarimiz ushbu yig'in davomida bir nechta nazorat uchrashuvlarida ishtirok etishadi.

“Metallurg”ning dastlabki uchrashuvi 5 fevral sanasiga rejalashtirilgan bo'lib, raqib Ukrainaning “Metallist” jamoasidir. 12 fevral sanasida esa yigitlarimiz Armanistonning “Alashkert” jamoasiga qarshi maydonga tushishadi. 9 hamda 16 fevral sanalarida bo'lib o'tadigan raqiblarning nomi tez orada ma'lum bo'ladi.