«Barselona» Brozovichga qiziqish bildirmoqda

«Barselona» klubi «Inter» yarim himoyachisi Marselo Brozovichga qiziqish bildirmoqda. Bu haqda Sport.es xabar tarqatdi.

Manbaga ko'ra, "ko'k-anorranglilar" 29 yoshli futbolchi orqali yozgi transfer paytida jamoani kuchaytirishni rejalashtirishmoqda. Avvalroq «Inter» xorvatiyalik futbolchiga yangi shartnoma taklif qilgani, ammo Brozovich ushbu taklifga rad javobini bergani haqida ma'lumot tarqatilgandi.

Brozovich 2015 yilning yanvar oyidan buyon «Inter» sharafini himoya qilib kelmoqda. Joriy mavsumda u A seriya doirasida 22ta o'yinda ishtirok etib, bitta golga uzatma berdi.

Brozovichning "neradzurri" bilan shartnomasi joriy mavsum so'ngida yakunlanadi. Transfermarkt Marseloni 40 mln evroga baholagan.