Husnora Jumaeva — 2021 yilda eng ko'p o'yinni boshqargan ayol hakami

Ayollar futboli bo'yicha 2021 yilgi mamlakat chempionatining Oliy liga o'yinlariga jalb etilgan ayol hakamlarining jami soni 15 nafarni tashkil etdi. Besh nafari bosh hakam, o'n nafari esa qanot va zaxira hakami sifatida faoliyat yuritdi.

Eng ko'p uchrashuvni boshqarish Husnora Jumaevaga nasib etdi – 17 ta o'yinda bosh hakam bo'ldi. Roziyabonu Yusupova 15, Edita Mirabidova 14 ta o'yinni boshqardi. Anna Sidorovaga 12 ta uchrashuv taqdiri ishonib topshirilgan bo'lsa, Kristina Borisova 6ta o'yinga bosh hakam etib tayinlandi.

Qanot va zaxira hakami sifatida eng ko'p ishlagan Zilola Rahmatova va Mehirabonu Muralieva bo'ldi – 18 tadan. Marjona Rahmatullaeva va Kristina Sereda 17 tadan, Gulshoda Saidqulova va Aleksandra Konchikova 16 tadan o'yinda bosh hakamga yordam berishdi. Darya Snetkova 15 ta, Laylo Jalolova 14 ta, Manzura Mangetbaeva 9 ta hamda Shaxlo Abilova 8 ta uchrashuvda qanot va zaxira hakam sifatida harakat qilishdi.   

FIFAning sobiq referi assistenti, ayollar o'rtasidagi jahon va Osiyo chempionatlarida hakam sifatida faoliyat ko'rsatgan Irina Kutsillo 2021 yildan ilk bor nazoratchi hakam sifatida namoyon bo'ldi. Irina ayollar Oliy ligasining birinchi turida “Bunyodkor-W” – “Qizilqum-W” uchrashuvida nazoratchilik faoliyatini boshlagan bo'lsa, mavsum yakuniga qadar yana beshta o'yinda nazoratchi sifatida ishladi.