"Yuventus" futbolchisi bilan kelishuvni uzaytirmoqchi

"Yuventus" klubi yarim himoyachi Nikolo Fajioli bilan shartnomani uzaytirish bo'yicha muzokaralarni boshlashga tayyor, deya xabar bermoqda italiyalik jurnalisti Nikolo Skira.

Ma'lumot uchun, amaldagi shartnoma muddati 2023 yilda tugaydi. Manbaning xabariga ko'ra, "Yuventus" futbolchiga uzoq muddatli shartnoma taklif qilishga tayyor.

20 yoshli futbolchi joriy mavsumda "Kremoneze"da ijara asosida o'ynadi. U jamoa safida 17 ta o'yinda maydonga tushib, 3 ta gol va 5 ta golli uzatmaga mualliflik qilgan.

Transfermarkt futbolchini 3,5 million evroga baholamoqda.