"Latsio" futbolchisini kunduz kuni tunab ketishdi

Rimning «Latsio» klubi yarim himoyachisi Tom Bashich o'g'irlik qurboni bo'ldi, deb xabar bermoqda Football Italia.

Futbolchi Rimdagi restoranlarning birida jamoadoshlari bilan tushlik qilmoqchi bo'lgan. Mahalliy vaqt bilan taxminan 13:30da u mashinadan tushdi va motottsikl bosh kiyimini kiygan noma'lum shaxs unga yaqinlashib, futbolchining tanasiga qurol tiradi.

25 yoshli xorvatlik futbolchi jinoyatchiga Rolex Daytona soatini echib berishga majbur bo'lgan, shundan so'ng qaroqchi motottsiklga o'tirib qochib ketgan.

Boshich joriy mavsum A Seriyada 15 ta o'yinda maydonga tushib, 2 ta golli uzatmani amalga oshirdi.