Grizmann "Barselona"ga qarshi maydonga tushmaydi

Madridning «Atletiko» klubi hujumchisi Antuan Grizmann La Liganing 23-tur doirasida «Barselona» jamoasiga qarshi bo'ladigan uchrashuvda katta ehtimol bilan maydonga tushmaydi.

El Chiringuito nashrining tarqatgan ma'lumotiga qaraganda, "matraschilar" tibbiyot xodimlari jamoa bosh murabbiyi Diego Simeonedan frantsiyalik futbolchining xizmatidan foydalanmasligini so'ragan. Chunki, Grizmann o'ng oyoq sonidan olgan xarohatidan hali to'liq forig' bo'lgani yo'q, shu sababli, tavakkalchilikka qo'l urish niyatida emas.

Joriy mavsum 30 yoshli futbolchi La Ligada 13 ta uchrashuv o'tkazib, 3 ta gol kiritdi.

«Atletiko» hamda «Barselona» jamoalari o'rtasidagi uchrashuv 6 fevral kuni Toshkent vaqti bilan 20:15da boshlanadi.