"Napoli" futbolchisiga bo'lgan xaridorlar soni ko'payib ketdi

«Napoli» yarim himoyachisi Fabian Ruis yozda boshqa jamoaga o'tishi mumkin.

Qishki transfer oynasida Italiya klubi «Nyukasl»ning 40 million funtli taklifini rad etdi. Neapolliklar Fabian Ruis uchun yozda kelib tushadigan takliflarni kutishmoqda.

Futbolchining xizmatlariga «Nyukasl»dan tashqari «Arsenal», «Liverpul», «Manchester Yunayted» va «Manchester Siti» klublari qiziqish bildirmoqda. «Real» va «Barselona» ham futbolchini qo'lga kiritish uchun kurashga qo'shilishi mumkin.

Ruis A Seriyada 18 ta o'yinda maydonga tushib, 5 ta gol urdi va 3 ta golli uzatmani amalga oshirdi.