Turin klubi o'z futbolchisi bilan shartnomani uzaytirdi

Turinning «Torino» markaziy himoyachisi Gleyson Bremer jamoa bilan shartnomasini 2023/24 yilgi mavsum oxirigacha uzaytirganini rasman e'lon qildi.

Eslatib o'tamiz, avvalroq braziliyalik futbolchiga Evropaning ko'plab top-klublari qiziqish bildirishayotgan edi.

Football Italia xabariga ko'ra, himoyachi kelasi yozda o'z klubi uning transferidan ko'proq pul ishlab olishi maqsadida shartnomasini uzaytirishga qaror qilgan. Bremerga asosiy davogarlardan biri Londonning «Chelsi» va Milanning «Inter» klubi edi.

Joriy mavsumda Bremer Italiya chempionatida 21 ta o'yin o'tkazdi. O'tkazilgan o'yinlarda braziliyalik futbolchi ikkita gol urdi va bitta golli uzatmani amalga oshirdi.