«Milan» – «Spetsiya» uchrashuvidan keyin Ibrahimovich bosh hakamga nima degandi?

A Seriyada shov-shuvga sabab bo'lgan «Milan» – «Spetsiya» uchrashuvi bosh hakami Marko Serra o'yindan keyin Zlatan Ibrahimovich bilan bo'lgan suhbat haqidagi xotiralari bilan o'rtoqlashdi. Referining fikricha, shvetsiyalik hujumchi unga ruhiy jihatdan katta yordam bergan.

“Ibrahimovich oldimga kelib: “endi kuchli bo'l va yaxshi munosabat bildir" - dedi. Hozirda men maydonga qaytishni intiqlik bilan kutyapman», - deya hakamning so'zlarida iqtibos keltirmoqda  Football Italia.

Eslatib o'tamiz, o'sha uchrashuvda Marko Serra hisob 1:1 bo'lib turgan pallada milanliklarning golini hisoblamagandi. Oradan biroz vaqt o'tib mehmonlar g'alaba to'pini kiritib, «San-Siro»dan uch ochko olib ketishdi. Ushbu voqeadan keyin Serra Italiya chempionatida 3 ta o'yinga chetlashtirilgandi.