"Lill" Uilsher transferini rad etgan

Angliya terma jamoasi va “Arsenal”ning sobiq yarim himoyachisi, hozirda erkin agent bo'lib turgan Jek Uilsher yanvar oyida “Lill”ga o'tishi mumkin edi, biroq frantsuz klubi futbolchi bilan shartnoma tuzishni istamadi, deya xabar beradi "L'Équipe".

Manba bergan xabarga ko'ra, 30 yoshli futbolchi hozirda o'ziga yangi jamoa izlamoqda. Uning agentlari "Lill" bilan bog'lanib, Uilsherga qisqa muddatli shartnoma imzolashni yoki uni sinovdan o'tkazishni taklif qilishdi, ammo amaldagi Frantsiya chempionlari rad javobini berishdi. Angliyalik futbolchi o'rniga "Lill" 34 yoshli Atem Ben-Arfa bilan shartnoma imzoladi.

Ma'lumot uchun, Uilsher ayni damda Londonning “Arsenal” jamoasida mashg'ulotlar olib bormoqda.