"Arsenal" Obameyangga katta miqdorda kompensatsiya to'ladi

Gabonlik hujumchi Per-Emerik Obameyang "Arsenal" bilan shartnomasini muddatidan oldin buzgani uchun katta miqdorda tovon oldi, deb xabar beradi "The Times".

Manbaga ko'ra, ingliz klubi futbolchiga sakkiz million evro to'lagan. Buning evaziga "kanonirlar" hujumchi shartnoma bo'yicha maosh sifatida olishi kerak bo'lgan 30 millionga yaqin mablag'ni tejashdi.

Forvardning "Barselona"ga o'tishi yaqin orada rasman e'lon qilinishi kutilmoqda.

Ma'lumot uchun, 32 yoshli Obameyang "Arsenal"da 2018 yildan buyon to'p suradi. U klub uchun barcha musobaqalarda 163 o'yin o'tkazib, 92 gol urgan va 21 golga assistentlik qilgan.