APLda kuchli to'rttalikning yakunlovchi jamoasi qaysi bo'ladi? Mutaxassis javob berdi

Angliya Premer-ligasida kimlar keyingi yilgi EChL yo'llanmasini qo'lga kiritadi? Bu savolga transferlar mutaxassisi Aleks Apati javob qildi. U shunday deydi:

"Menimcha, "Chelsi"da bu borada ortiqcha muammo bo'lmaydi. Lekin qolgan uchta jamoada hali ham savollar bor. Men bu borada "Arsenal"ning imkoniyatlarini past baholagan bo'lardim. Chunki jamoa hech qanday xaridni amalga oshirmadi. Aksincha, asosiy tarkib futbolchilarini yo'qotish bilan shug'ullandi. Shu tufayli ular "Tottenxem" hamda "MYu"dan pastroqda mavsumni yakunlashi mumkin". 

Eslatib o'tamiz, ayni damda to'rtinchi o'rinni "MYu" band etgan. Ammo "qizil iblislar" "Arsenal"dan bitta, "Tottenxem"dan esa ikkita ko'p o'yin o'tkazgan.