"Milan" etakchisi erkin agent maqomida klubni tark etishi aniq bo'ldi

"Milan" yarim himoyachisi Frank Kesse yozda klubni tekinga tark etadi, deya xabar beradi jurnalist Nikolo Skira.

Manbaga ko'ra, italyan klubi 25 yoshli ivuarlik futbolchi bilan 2022 yilning iyun oyi oxirigacha amal qiladigan shartnomani uzaytirish borasida kelisha olmadi.

Ma'lumot uchun, Kesse "Milan"ga 2019 yilning iyul oyida "Atalanta"dan 24 million evro evaziga o'tgan edi.

2021/22 yilgi mavsumda futbolchi "Milan" safida 21 ta o'yin o'tkazib, 5 ta gol va 1 ta golli uzatmani amalga oshirgan. Transfermarkt.com portali futbolchining narxini 48 million evroga baholamoqda.