«Neftchi» serbiyalik hujumchi bilan shartnoma imzoladi

Yangi mavsumda o'z oldiga yuqori maqsadlarni qo'ygan va tarkibni kuchaytirish borasida faollik bilan ish olib borayotgan "Neftchi" jamoasi serbiyalik yosh va iste'dodli hujumchi Marko Sharich bilan shartnoma imzoladi.

Ma'lumot uchun, Marko Sharich 1998 yil 28 noyabr sanasida  Serbiyaning Belgrad shahrida tug'ilgan bo'lib, faoliyati davomida "Chukarichki", "Radnichki","Rad" kabi klublarida to'p surgan. "Neftchi"ga kelishidan oldin oxirgi o'ynagan jamoasi "Metalats" klubi  hisoblanadi. Serbiya chempionatida 59ta uchrashuvda maydonda harakatlangan 23 yoshli  futbolchi 11ta golga mualliflik qilgan.