Dzyudochilarimiz kuchli tarkibda Parij "Katta Dubulg'a" turniriga jo'nab ketishdi

5-6 fevral kunlari Parij shahrida o'tkaziladigan nufuzli "Katta Dubulg'a" turnirida ishtirok etadigan Ilias Iliadis murabbiyligidagi dzyudo bo'yicha O'zbekiston terma jamoasi Frantsiya poytaxtiga jo'nab ketdi.

O'zbekiston dzyudo federatsiyasi matbuot xizmatining xabar berishicha, terma jamoamiz ilk "Katta Dubulg'a" turnirida kuchli tarkib bilan ishtirok etadi. Tokio Olimpiadasining bronza medali sovrindori, IJF reytingi etakchisi Davlat Bobonov ham Parijga yo'l oldi.

Terma jamoa tarkibi:
-60 kg: Dilshod Baratov
-73 kg: Shahram Ahadov
-81 kg: Sharofiddin Boltaboev
-90 kg: Davlat Bobonov
-100 kg: Muzaffarbek To'raboev

Manba: Olympic.uz