Iroq Katanets o'rniga kelgan murabbiyga ham chiqish eshigini ko'rsatdi

Kecha JCh-2022 saralash bahslari 3-bosqichidan o'rin olgan Iroq va Livan terma jamoalari o'rtasidagi o'yin bo'lib o'tdi. Unda tomonlar 1:1 hisobidagi durangga imzo chekishdi.

Ushbu uchrashuvdan keyin iroqliklar bosh murabbiyi Jelko Petrovich iste'foga chiqarildi. U jamoada atigi 2 oy ishladi va 6 o'yin o'tkazdi. 6 o'yindan 1 tasida g'alaba (o'rtoqlik uchrashuv), 3 ta durang (rasmiy uchrashuv) va yana 2 mag'lubiyat qayd etdi.

Eslatib o'tamiz, mutaxassis ayni vaqtda O'zbekiston milliy terma jamoasi bosh murabbiyi bo'lib turgan Srechko Katanets o'rniga tayinlangandi.

Manba: Telegram.me/ANikimbaev