Iguain buni tan oldi

«Inter Mayami» hujumchisi Gonsalo Iguain o'zini jamoada ajoyib his qilayotganini tan oldi.

«Mayami shahrida men tinchgina yashayman. Men izlagan hissiy barqarorlikka erishdim. Haqiqat shuki, men baxtliman. Bu shahar menga yillar davomida izlaganim – tinchlikni berdi. Men bu shaharni va bu klubni juda hurmat qilaman. Men bu erda topgan xotirjamlikni hech narsaga almashtirmagan bo'lardim», — deya Iguainning so'zlarini keltiradi TyC Sports.

Eslatib o'tamiz, Iguain 2020 yilda «Inter Mayami»ga o'tgan edi. 2021 yilgi mavsumda 34 yoshli futbolchi MLS chempionatining 30 ta uchrashuvida qatnashib, 12 ta gol urdi va 7 ta golli uzatmani amalga oshirdi. Bungacha Iguain «River Pleyt», «Real», «Napoli», «Yuventus», «Milan», «Chelsi» kabi klublarda to'p surgan.