Xarri Keyn Dele Alli bilan xayrlashdi

«Tottenxem» hujumchisi Xarri Keyn «Everton» yarimhimoyachisi Dele Alliga murojaat qildi.

«Yangi joyingga omad, Dele. Etti yil ichida biz juda ko'p yaxshi daqiqalarni boshdan kechirdik. Menga va klubga bergan barcha narsang uchun rahmat. Tez orada ko'rishguncha», - deb yozdi Keyn tvitter sahifasida.

Alli 2015 yilning fevral oyida «MK Dons»dan «Tottenxem»ga o'tgan edi. London jamoasi safida yarimhimoyachi 269 o'yin o'tkazib, 67 gol urgan va 61 golga assistentlik qilgan. Dele joriy mavsumda barcha turnirlar doirasida 18 ta o'yinda 2 ta gol va bitta golli uzatmani amalga oshirdi.