Karrasko APL grandlarining taklifini qabul qilmadi

«Atletiko» vingeri Yannik Ferreyra Karraskoga bir qancha klublardan takliflar bo'lgan, ammo «Vanda Metropolitano»da qolishga qaror qilgan.

O'yinchining agenti bo'lgan Pini Zaxaviga Premer-liga klublari, jumladan, «Tottenxem» va «Nyukasl Yunayted» murojaat qilishdi va ular ushbu transfer oynasiga top o'yinchini sotib olishni juda xohlashdi.

Ammo, Karrasko Angliyadan kelgan jamoalarga «matraschilar» va murabbiy Diego Simeonega fidoyilik ko'rsatib, qat'iy «yo'q» deb javob berdi.

Ammo keyingi yozda hamma narsa boshqacha bo'lishi mumkin. Karraskoning agenti Zaxavi Neymarning «PSJ»ga, David Alabaning «Real»ga va Tomas Tuxelning «Chelsi»ga o'tishini amalga oshirgan. Shu sababli ushbu transferni amalga oshishi ham ehtmoldan holi emas.