Obameyang «Arsenal» bilan shartnomasini bekor qildi

«Arsenal» hujumchisi Per-Emerik Obameyang «kanonirlar» bilan shartnomasini bekor qildi, deb xabar beradi londonliklar klubi matbuot xizmati o'z rasmiy sayti orqali.

Manbaga ko'ra, shartnoma tomonlar kelishuviga ko'ra bekor qilingan.

Avvalroq Obameyang «Barselona» futbolchisiga aylanishi ma'lum bo'lgandi. Qayd etilishicha, futbolchi allaqachon barcha kerakli tibbiy ko'riklardan o'tgan.

Eslatib o'tamiz, 2021 yilning 14 dekabr kuni hujumchi Per-Emerik Obameyang «Arsenal» sardori maqomidan mahrum qilingan edi. Klub jiddiy intizomiy qoidabuzarlik uchun gabonlikni jazolashga qaror qildi.

Obameyang joriy mavsumda Premer-ligada 14 ta o'yinda maydonga tushib, 4 ta gol urdi va bitta golli uzatmani amalga oshirdi.