"Yuventus" Dibalaning o'rniga boshqa futbolchilarni topdi
/ Kiritdi: BestMaster Ko'rilgan: 126
Turinning «Yuventus» klubi yozgi transfer oynasi uchun reja ishlab chiqmoqda. Chunki, jamoaning argentinalik hujumchisi Paulo Dibalaning ketish ehtimoli bor.
La Gazzetta dello Sport xabariga ko'ra, argentinalik futbolchi ketadigan bo'lsa, u holda Turin klubi yozda «Roma» yarim himoyachisi Nikolo Zaniolo yoki «Sassuolo» hujumchisi Jakomo Raspadori bilan shartnoma imzolashi mumkin.
Dekabr oyida «Yuventus» Zanioloning atrofidagilar bilan muzokaralar olib borishni boshlagandi. Uning «Roma» bilan shartnomasi 2024 yilning iyunigacha amal qiladi.
Eslatib o'tamiz, Turin klubi Dibala bilan shartnomani uzaytirishga yaqin edi, biroq vaziyat o'zgarib, muzokaralar fevral oyiga qoldirilgandi. Xabar qilinishicha, «Yuventus» Dibalaga yangi shartnoma taklifini qaytarib olgan va uning maoshini kamaytirmoqchi.
Bosh sahifaga
314