"Chelsi" Dembele masalasini yozda hal qiladi

"Chelsi" "Barselona" o'ng qanot vingeri Usmon Dembelega qiziqish bildirmoqda. "Sky Sports" xabariga ko'ra, London klubi 24 yoshli futbolchiga yozda shartnoma taklif qiladi.

Qanot hujumchisining "Barselona" bilan amaldagi shartnomasi mavsum oxirida tugaydi, shuning uchun u hozirda "aristokratlar" bilan dastlabki kelishuv bo'yicha muzokaralar olib borish huquqiga ega.

Avvalroq "Barselona" Dembelening boshqa klubga o'tishi borasida kelisha olmagani xabar qilingandi. U yozgacha "ko'k-anorranglilar" safida qoladi, shundan so'ng u jamoani erkin agent sifatida tark etadi.