Kamerun futbolchilari 24 yanvar kuni halok bo'lganlarning oilalariga yordam qiladigan bo'ldi

Kamerun terma jamoasi Afrika Kubogi doirasida Komor orollari (2:1) bilan bo'lib o'tgan o'yin oldidan sodir bo'lgan fojia qurbonlarini qo'llab-quvvatlashga qaror qildi.

Terma jamoa futbolchilari Kamerun Futbol Federatsiyasi prezidenti Samuel Eto`Odan 50 million G'arbiy Afrika frankini (taxminan 85,5 ming AQSh dollari) 24 yanvar kuni tirbandlikda qurbon bo'lganlarning oilasiga o'tkazishini so'radi.

"Ushbu so'rov chorak finalning Gambiyaga terma jamoasiga qarshi o'yinidan (2:0) so'ng yuborilgan. Albatta, Eto`O bunga rozi bo'ldi, o'z pullarini nima qilishni futbolchilarning o'zlari hal qiladilar", - dedi jamoa matbuot kotibi Serj Leopold Giffo.