Obameyang "Barselona" uchun tibbiy ko'rikdan o'tmoqda, "Arsenal" ishontirildi

Londonning "Arsenal" klubi hujumchisi Per-Emerik Obameyang yaqin daqiqalar ichida Kataloniyaning "Barselona" klubi bilan shartnoma imzolaydi. Bu haqda italiyalik jurnalist Fabritsio Romano xabar tarqatmoqda.

Ayni paytda 32 yoshli gabonlik futbolchi "Barselona" uchun tibbiy ko'rikdan o'tmoqda.

Qayd etilishicha, ayni paytda muzokaralar yakuniy bosqichda va "Arsenal" klubiga ushbu transfer amalga oshishiga kafolat berildi.

Sky Sports nashrining tarqatgan ma'lumotiga qaraganda, Obameyangning Kataloniyaga ko'chib o'tishi "Arsenal"ga 25 million funt sterlingni tejashiga zamin yaratdi.