Futzal. O'zbekiston Frantsiya darvozasiga 7ta gol urdi

Futzal bo'yicha O'zbekiston terma jamoasi Frantsiyaga qarshi ikkinchi o'rtoqlik uchrashuvini o'tkazdi. Bu safar ham evropaliklar 2ta to'p farqi bilan g'alaba qozonishdi.

Frantsiyaliklar birinchi bo'limning dastlabki 15 daqiqasini juda yaxshi o'tkazishdi va 4ta to'p farqi bilan oldinga o'tib olishdi. Vakillarimiz tanaffusgacha bo'lgan 5 daqiqa ichida Frantsiya darvozasiga 3 marta yo'l topishdi.

Ikkinchi taym deyarli shunday stsenariy ostida kechdi. Terma jamoamiz bu safar raqib darvozasiga 4 marta yo'l topgan bo'lsa, "uchranglilar" 5ta gol muallifiga aylanishdi. Yakuniy hisob — 7:9.

Davron Choriev "poker"ga erishgan bo'lsa, Husniddin Nishonov dublni rasmiylashtirdi. Yana bir gol Anasxon Rahmatov hisobiga yozildi.

O'rtoqlik uchrashuvi
O'zbekiston - Frantsiya - 7:9 (3:4)
Gollar: Mamadu Ture (7ʼ), Muhudun Suhel (7ʼ, 35ʼ), Zakehi Runni (14ʼ, 21ʼ),  Muhammad Abdusamad (15ʼ), Menendez Nikolas (26ʼ), Markuyt Luis (29ʼ), N'gala Landri (37ʼ) — Anasxon Rahmatov (15ʼ), Husniddin Nishonov (16ʼ, 17ʼ), Davron Choriev (28ʼ, 33ʼ, 39ʼ, 40ʼ).