"Ayaks" futbolchisi "Barselona"ga o'tmaydigan bo'ldi

Argentinalik chap qanot himoyachisi Nikolas Talyafiko kamida yozgacha "Ayaks"da qoladi.

Fabritsio Romanoning ma'lum qilishicha, Talyafikoning "Barselona"ga o'tishi yanvar oyida kuzatilmaydi. Tomonlar kelishuvga erisha olmadi. "Ayaks" himoyachisini to'g'ridan-to'g'ri sotishni maqsad qilgan edi, amma "Barselona" faqat ijara shartnomasi taklif qildi. Bu niderland klubiga yoqmadi va shu sababli kelishuv barbod bo'ldi.

Avvalroq Argentina terma jamoasi a'zosi "Barselona"ga o'tishni yoshligidan buyon orzu qilishini "Ayaks" rahbariyatiga ma'lum qilgan edi.