"Atletiko" "Barselona" himoyachisini ijaraga olmoqchi

"Barselona" himoyachisi Kleman Langle faoliyatini Madridda davom ettirishi mumkin, deya xabar berdi "Marca".

Ma'lum bo'lishicha, ayni damda "Atletiko" klubi agentlari futbolchining transferini kelishish maqsadida Kataloniyada bo'lib turibdi.

Muzokaralar borasida hech qanday ma'lumot yo'q.

Qayd etish joiz, 26 yoshli frantsuz joriy mavsum "ko'k-anorranglilar" safida barcha turnirlarda 16 o'yinda maydonga tushib, 1 golli uzatmani amalga oshirdi.