Rasman! Bentankur «Tottenxem»ga o'tdi

«Yuventus» yarim himoyachisi Rodrigo Bentankur «Tottenxem»ga o'tdi. Futbolchi tibbiy ko'rikdan o'tdi va ingliz klubi bilan shartnoma imzoladi, deb xabar bermoqda Turin klubi matbuot xizmati.

Bitim 19 million evroni tashkil qildi. Yana 6 million Turin klubi bonus sifatida olishi mumkin. Umumiy summaning 30 foizi «Boka Xuniors»ga tushadi.

Avvalroq ingliz klubi futbolchi bilan yiliga 3,5 million evro maosh bilan 2026 yilgacha shartnoma imzolashga tayyorligi haqida xabar berilgandi.

2021/22 yilgi mavsumda Bentankur «Yuventus» safida 26 ta o'yinda maydonga tushib, 3 ta golga assistentlik qilgan.