«Bavariya» Levandovski bilan shartnoma uzaytirish bo'yicha ish olib bormoqda

Sky Germany nashri xabariga ko'ra, «Bavariya» hujumchi Robert Levandovski bilan hamkorlikni uzaytirish bo'yicha faol muzokaralar olib bormoqda.

Polyakning Myunxen klubi bilan amaldagi shartnomasi 2023 yilning yoziga qadar tuzilgan. 33 yoshli Levandovski avvalroq yana to'rt yilga yaqin professional tarzda faoliyatini davom ettirishni rejalashtirayotganini aytgandi.

Joriy mavsumda Levandovski «Bavariya» safida barcha turnirlarda 27 ta o'yinda maydonga tushib, 34 ta gol urdi.