Dembele «Arsenal»ga o'tishdan bosh tortdi
/ Kiritdi: BestMaster Ko'rilgan: 139
«Barselona» vingeri Usmon Dembele «Arsenal»ga o'tishdan bosh tortdi, deya xabar beradi insayder Fabritsio Romano.
Frantsiyalik futbolchi «Arsenal» hujumchisi Per-Emerik Obameyangni Kataloniya klubiga o'tkazish bo'yicha kelishuvga kirishishi mumkin edi. Ammo Dembele London jamoasiga o'tishdan manfaatdor emas.
Obameyang hozirda Barselonada istiqomat qiladi. Klub uning transferini amalga oshirish uchun echim topishga harakat qilmoqda. Buning uchun gabonlik futbolchi maoshini sezilarli darajada kamaytirishi kerak.
Eslatib o'tamiz, Dembele «Barselona» bilan yozda tugaydigan shartnomani uzaytirishdan bosh tortgan edi. Kataloniyaliklar bosh murabbiyi Xavi yo Dembele bilan shartnomani uzaytirishini, yoki jamoadan ketishi kerakligini aytdi.
24 yoshli futbolchi joriy mavsumda La Ligada 6 ta o'yinda maydonga tushdi va 2 ta golli uzatmani amalga oshirdi. Transfermarkt futbolchini 30 million evroga baholamoqda.
Bosh sahifaga
220