"Real" futbolchisi jarohat oldi. U Ispaniya kubogi o'yinini o'tkazib yuboradi

Madridning "Real" klubi frantsiyalik chap qanot himoyachisi Ferlan Mendi "Atletik"ga qarshi o'yinni o'tkazib yuboradi, deya xabar berdi "Marca" nashri.

Ma'lumotlarga ko'ra, futbolchi jamoaning bugungi mashg'ulotida mushaklarida og'riq sezgan. Tez orada frantsuz chuqurlashtirilgan tibbiy ko'rikdan o'tkaziladi.

Ma'lumot uchun, "Atletik" va "Real" o'rtasida Ispaniya kubogi 1/4 finalidan o'rin olgan uchrashuv 3-dan 4 fevralga o'tar kechasi 01:30 da start oladi.