«Liverpul» futbolchisi APLning boshqa jamoasiga o'tishga yaqin

«Liverpul» himoyachisi Nataniel Fillips mavsum oxirigacha ijara asosida «Bornmut»ga o'tishga yaqin turibdi. Bu haqda italiyalik jurnalist Fabritsio Romano tvitterdagi sahifasida ma'lum qildi.

Fillips o'tgan mavsumda Virjil van Deyk, Joel Matip va Jo Gomesning jarohati tufayli «Liverpul»da o'ynadi. Umuman olganda, 24 yoshli himoyachi mersisaydliklar safida Premer-ligada 17 ta o'yin o'tkazgan. Futbolchi ushbu bahslarda bitta gol urishga erishdi.

Eslatib o'tamiz, avvalroq Filips Germaniyaning «Shtutgart» jamoasida ham to'p surgan. Joriy mavsumda futbolchi Angliya Premer-ligasida «Liverpul» safida birorta ham o'yinda maydonga tushmadi.