«Mbappe o'ynaydigan joyga bormagan bo'lardim». Jerar Pike Xolandga maslahat berdi

Ko'rinishidan, yozgi transfer oynasida Kilian Mbappe «Real» futbolchisiga aylanadi. Hujumchining Madridga ko'chib o'tish haqida anchadan beri gapirib kelinmoqda va Mbappening o'zi «Real» libosida o'ynash istagi borligi haqida gapirgan. So'nggi ma'lumotlarga ko'ra, madridliklar allaqachon Kilian bilan to'liq kelishib olishgan va yaqin orada transfer rasmiylashtiriladi.

Erling Xoland atrofida ham turli mish-mishlar bor. Shu sabab, Jerar Pike Dortmundning «Borussiya» klubining norvegiyalik hujumchisiga klub tanlash borasida maslahat berdi.

«Agar men Xolandning o'rnida bo'lganimda va «Oltin to'p»ni qo'lga kiritmoqchi bo'lganimda, Mbappe o'ynaydigan joyga bormagan bo'lardim», deydi Pike.