Rasman. Lempard «Everton» bosh murabbiyiga aylandi

«Everton» bosh murabbiyi lavozimiga Frenk Lempard tayinlandi. Bu haqda klub rasmiy sayti xabar tarqatdi.

43 yoshli mutaxassis bilan ikki yarim yillik shartnoma imzolandi. Shu tariqa, Lempard 2024 yilning yoziga qadar "Everton"ni boshqarishi ko'zda tutiladi.

Lempard 2021 yilning yanvar oyida "Chelsi"dan iste'foga chiqarilgach, ishsiz yurgandi. Avvalroq u «Kristal Pelas», «Aston Villa» va «Norvich» bilan muzokara olib borib, turli sabablarga ko'ra ular bilan kelishuvga erisha olmagandi.

«Everton» APLning joriy mavsumida 19 ochko bilan 16-pog'onani egallab turibdi. Klub 16 yanvar kuni Rafael Benitesni iste'foga chiqargandi.