Kavani La Ligaga yo'l olishi mumkin

Angliyaning «Manchester Yunayted» hujumchisi Edinson Kavani faoliyatini Ispaniya chempionatida davom ettirishi mumkin.

34 yoshli urugvaylik hujumchining xizmatlariga «Real Sosedad» klubi qiziqish bildirmoqda.

San-Sebastyan klubi Kavanini Londonning «Arsenal» jamoasiga o'tishi kutilayotgan Aleksandr Isakning o'rniga olib kelmoqchi. Agar Edinson «qizil iblislar» bilan shartnomasini yangilamasa, u holda Kavani «Real Sosedad»ga zda tekinga o'tishi mumkin.

Avvalroq OAV urugvaylik futbolchini «Barselona» va «Sevilya» klublari o'z safida ko'rmoqchi ekanliklari haqida xabar tarqatgandi.

Kavani joriy mavsumda o'nta o'yinda maydonga tushib, ikkita gol urdi.