"Nike" Grinvud bilan bog'liq vaziyatga munosabat bildirdi

Jahonga mashhur "Nike" kompaniyasi Meyson Grinvud bilan bog'liq voqea yuzasidan o'z munosabatini bildirdi. Unda shunday deyiladi:

"Biz Grinvud bilan sodir bo'lgan voqeani chuqur tahlil qilmoqdamiz. Shuningdek, voqealar rivojini yaqindan kuzatishda davom etamiz".

Eslatib o'tamiz, kuni kecha 20 yoshli hujumchi jinsiy zo'ravonlik hamda qasddan tan jarohati etkazganlik aybi bilan Manchester shahri politsiyasi tomonidan hibsga olingan edi.

Hozirda futbolchining o'zi vaziyatga reaktsiya berganicha yo'q. Agarda Grinvudning aybi o'z tasdig'ini topsa, "Nike" u bilan tuzilgan bitimni bir tomonlama bekor qilishi mumkin.