Nikimbaev O'zbekiston terma jamoasi tarixidagi ramziy jamoani tuzdi

O'zbekistonlik taniqli mutaxassis Alisher Nikimbaev telegramdagi o'zining kanali orqali O'zbekiston terma jamoasi tarixidagi eng yaxshi futbolchilardan tashkil topgan ramziy jamoani tuzib chiqdi. Mutaxassis har bir chiziqqa nomzodni tanlab olishda so'rovnoma o'tkazdi va so'rovnomada eng ko'p ovoz olgan futbolchini tanlab oldi.

O'tkazilgan so'rovnoma natijasida Mirjalol Qosimovni O'zbekiston terma jamoasining bosh murabbiyi sifatida tanlashdi. E'tiborli tomoni, Qosimov futbolchi sifatida ramziy jamoa yarim himoya chizig'idan ham o'rin oldi. Bosh murabbiy lavozimi uchun o'tkazilgan so'rovnoma natijasi:

Mirjalol Qosimov 147 ovoz (20%)
Rustam Akramov 142 (19%)
Mahmud Rahimov 142 (19%)
Rauf Inileev 87 (11%)
Vadim Abramov 80 (11%)
Samvel Babayan 78 (10%)

O'zbekiston ramziy jamoasi quyidagi ko'rinishda bo'ldi:

Darvozabon — Ignatiy Nesterov

O'ng qanot himoyachisi — Baxtiyor Ashurmatov

Markaziy himoyachi — Andrey Fedorov

Markaziy himoyachi — Anzur Ismoilov

Chap qanot himoyachisi — Nikolay Shirshov

O'ng qanot yarim himoyachisi — Viktor Karpenko

Markaziy himoyachi — Odil Ahmedov

Markaziy yarim himoyachi — Mirjalol Qosimov

Chap qanot yarim himoyachisi — Jaloliddin Masharipov

Hujumchi — Maksim Shatskix

Hujumchi — Aleksandr Geynrix