Futzal. Rustam Umarov o'rtoqlik turnirida sovringa loyiq ko'rildi

O'zbekiston futzal milliy terma jamoasi Xorvatiyada bo'lib o'tgan “UMAG Futsal Nations Cup 2022” turnirida yorqin o'yinlar namoyish etdi.

Xususan, Frantsiyaga qarshi kechgan bahsda futzalchilarimiz raqiblarga qarshi munosib o'yin ko'rsata oldi.

Shuningdek, kecha o'tkazilgan Chernogoriyaga qarshi o'yinda raqib yirik hisobda mag'lub etildi.

Uchrashuv yakunidan so'ng mazkur kichik turnirning eng yaxshilari aniqlandi. Unga ko'ra, posbonimiz Rustam Umarov musobaqaning “Eng yaxshi darvozaboni” deb topildi.

Ma'lumot uchun, Frantsiya terma jamoasiga qarshi bugun bo'lib o'tadigan uchrashuv o'rtoqlik maqomiga ega.