AGMK Dubayda «Shabab Al Ahli» bilan o'rtoqlik o'yini o'tkazadi
/ Kiritdi: BestMaster Ko'rilgan: 53
![](https://stadion.uz/images/news/agmk_shaba.jpg)
BAAda yangi mavsumga tayergarlik doirasida o'quv-mashg'ulot yig'inini o'tkazayotgan jamoamiz 1 fevral kuni o'rtoqlik uchrashuvini o'tkazadi.
Raqib Dubayning nomdor jamoasi — «Shabab Al Ahli». Ushbu jamoa bilan AGMK umumiy hisobda uchinchi marotaba to'qnash kelmoqda. O'tgan yili jamoalar OChL guruh bosqichida o'zaro 2 bor kuch sinashishgan va unda bir martadan tomonlar g'alaba qozonishgandi.
Bu gal jamoalar o'rtoqlik maqomidagi o'yinda saf tortishadi.
«Shabab Al Ahli» ayni paytda BAA chempionatida 3-o'rinni egallab turibdi.
O'yin 1 fevral kuni “Rashid stedium»da mahalliy vaqt bilan soat 16:15da boshlanishi rejalashtirilgan. Uchrashuv Toshkent vaqti bilan soat 17:15da boshlanadi.
Darvozabonimiz Valijon Rahimov va universal futbolchi Abdulla Abdullaev O'zbekiston milliy jamoasi ixtiyorida yig'inda qatnashayotgani tufayli o'yinni o'tkazib yuboradi.
Mazkur o'yindan so'ng AGMK jamoasi BAAdagi o'quv-mashg'ulot yig'inini yakunlab, 2 fevral kuni Toshkentga qaytadi.