Bezorilik sabab qoldirilgan "Lion" - "Marsel" bahsi 1 fevral kuni o'tkaziladigan bo'ldi

Frantsiya chempionatining 14-turidan o'rin olgan «Lion» hamda «Marsel» jamoalari o'rtasidagi uchrashuv o'tgan yilning noyabr oyida o'tkazilishi kerak edi. Biroq, o'sha kuni muxlislarning bezorligi tufayli, uchrashuv to'xtatib qo'yilgan edi.

Uchrashuvning dastlabki daqiqalarida muxlislar burchak zarbasini amalga oshirishga tayorganlik ko'rayotgan Dimitriy Payega shisha idish uloqtirishgandi va bu futbolchining boshiga tekkandi. Yakunda, uchrashuv o'sha kuni o'tkazilmay qolgandi.

Liga 1 rahbariyati ushbu uchrashuv bo'yicha qaror chiqardi va "Lion" hamda "Marsel" jamoalari o'rtasidagi bahs 1 fevral kuni o'tkaziladigan bo'ldi.