TsSKA futbolchisi italyan klubida tibbiy ko'rikdan o'tadi

TsSKA yarim himoyachisi Emil Bohinen tez orada "Salernitana"ga o'tadi, deya xabar beradi jurnalist Nikolo Shkira.

Manba bergan xabarga ko'ra, ertaga 22 yoshli norvegiyalik futbolchi tibbiy ko'rikdan o'tadi va shundan so'ng u Italiya klubi tomonidan mavsum oxirigacha ijaraga olinadi. TsSKA futbolchining ijarasi uchun 0,3 million evro oladi. Shuningdek, "Salernitana" A Seriyada qolsa, uni 4 million evroga sotib olishga majbur bo'ladi.

Bohinen joriy mavsumda TsSKA safida 10 o'yinda 2 ta gol urdi. Yarim himoyachining Moskva klubi bilan shartnomasi 2025 yilning 30 iyuniga qadar mo'ljallangan.