«Manchester Yunayted» himoyachisi Frantsiya klubi bilan kelishuvga erishdi

«Manchester Yunayted» himoyachisi Fil Jons Frantsiyaning «Bordo» klubiga o'tishga yaqin va frantsuz klubi kelishuvga erishgan. Bu haqda jurnalist Nikolo Skira tvitterdagi sahifasi orqali xabar berdi.

Avvalroq mankunianliklar bosh murabbiyi Ralf Rangnik angliyalik futbolchining ketishiga rozilik bermagani haqida xabarlar tarqalgandi. Ammo, insayder ma'lumotlariga ko'ra, shartnoma tez orada amalga oshishi kutilmoqda. 

Himoyachi 2011 yildan buyon «Manchester Yunayted»da to'p suradi. Futbolchining klub bilan shartnomasi 2023 yilning iyuniga qadar mo'ljallangan. Transfermarkt ma'lumotlariga ko'ra, futbolchining narxi 4 million evro baholanmoqda.