Chex: "Tuxel "Chelsi"ga juda tez kirishib ketdi va bu uni muvaffaqiyatining kaliti edi"

"Chelsi"ning sobiq darvozaboni Petr Chex bosh murabbiy Tomas Tuxel klubda erishgan muvaffaqiyatlari haqida gapirdi.

"Tomas "Chelsi"ga juda tez kirishib ketdi va bu uni muvaffaqiyatining kaliti edi. U o'z chempionatlarida peshqadam bo'lgan yoki peshqadamlikka da'vogar jamoalar – “Borussiya Dortmund” va “PSJ”ni boshqargan va tajriba orttirgan. Agar siz yangi klubga uning afsonasi ishdan olinganida kelsangiz, ko'pchilik sizdan darhol g'alabalarni kutadi. Tomas yaxshi tinglovchi, klub qanday ishlashini tezda tushundi. Bu unga va uning xodimlariga to'g'ri qaror qabul qilishga yordam berdi. 2021 yil bizning klub uchun zo'r yil bo'ldi. Yaxshi va yomon kunlarni ham ko'rdik, bu futbolning va hayotning bir qismi. Biz bu ajoyib daqiqalarni doimo quvonch bilan eslaymiz. Muzeyimizga ikkita muhim sovrinni qo'shdik, bu juda katta muvaffaqiyat", - dedi chexiyalik kiper.