"Milan" futbolchisi Afrika Kubogida jarohat oldi

Italiyaning «Milan» klubi futbolchisi Frank Kesse Afrika Kubogining 1/8 final uchrashuvida jarohat oldi.

Tarqatilgan ma'lumotlarga qaraganda, Kessening qovurg'asi jarohatlangan. Frank yaqin soatlar ichida chuqurlashtirilgan tibbiy ko'rikdan o'tkaziladi va shundan so'ng, uning qancha muddatga safdan chiqqani oydinlashadi.

Eslatib o'tamiz, kecha, Kot-d’Ivuar Misr terma jamoasiga penaltilar seriyasida imkoniyatni boy berib, Afrika Kubogi o'yinlarini tark etdi.

Kesse 5 fevral kuni «Inter»ga qarshi o'yinni o'tkazib yuborish xavfi bor.