«Inter»ning yangi futbolchisi yaqin orada jamoasiga yordam bera olmaydi

Robin Gosens ayni dam «Inter»da tibbiy ko'rikdan o'tmoqda.

Ammo germaniyalik futbolchining mart oyining boshigacha maydonga tushishi dargumon. U fevral oyidagi «neradzurri»ning asosiy o'yinlarini o'tkazib yuboradi.

Ma'lumot uchun, A Seriyaning amaldagi chempionlari kelasi oy «Milan» va «Napoli», Italiya Kubogi doirasidagi «Roma» va Chempionlar Ligasi 1/8 finalining birinchi o'yinida «Liverpul» bilan to'qnash kelishadi.

Gosens sentyabr oyida sonidan jiddiy jarohat olgan va joriy mavsumda «Atalanta» bilan atigi sakkizta o'yinda maydonga tushgan edi xolos.

Uning 8 mart kuni «Liverpul»ga qarshi javob o'yinida maydonga tushishi keyinchalik ma'lum bo'ladi.