"Valensiya" "Milan" futbolchisi borasida muzokaralarni boshladi

Ispaniyaning «Valensiya» klubi «Milan» yarim himoyachisi Samuel Kastilexoning transferi borasida muzokaralarni boshladi.

Calciomercato nashrining tarqatgan ma'lumotiga qaraganda, ispaniyalik futbolchi «rossonerlar» bosh murabbiyi Stefano Piolining rejalariga kirmayapti, shu sababli, uning "Milan"dan ketishiga hech qanday to'sqinlik bo'lmaydi.

Gap, keyinchalik sotib olish sharti bilan ijaraga olish haqida ketmoqda. Agar Kastilexo «Mestale»da o'zini ko'rsata oladigan bo'lsa, u holda «ko'rshapalaklar» mavsum yakuniga etgach, uning transferini to'laqonli ravishda sotib olishadi.

Joriy mavsum Kastilexo «Milan» tarkibida 5 ta uchrashuv o'tkazdi.