Anchelotti: “Muhim o'yinchimizni yo'qotdik”

Karlo Anchelotti “Elche”ga qarshi kubok o'yinidan so'ng, Marseloning 3 o'yinga diskvalifikatsiyasi haqida o'z fikrlari bilan o'rtoqlashdi.

“Marselo hakamga bildirgan noroziligi uchun uchta o'yin chetlatildi, biroq buni juda ko'p deb o'ylayman. U hakamga nima deganini bilmayman, bilishni ham xohlamayman. Chunki, Marselo yaxshi o'yin o'tkazdi va biz kubokning keyingi uchta o'yinida muhim o'yinchini yo'qotdik, ammo Marselo La Ligadagi o'yinlarga tayyor", deydi italiyalik mutaxassis.

Eslatib o'tamiz, “Real” himoyachisi “Elche”ga qarshi kubok o'yinida hakamga bildirgan jiddiy e'tirozlari sabab, o'yinda qizil kartochka olgan edi.