Xavi Fatining jarohati haqida fikr bildirdi

"Barselona" bosh murabbiyi Xavi hujumchi Ansu Fatining jarohati haqida fikr bildirib o'tdi.

"Biz uning oilasi bilan uchrashdik. Dushanba kuni esa Ansu va shifokorlar o'rtasida uchrashuv bo'lib o'tadi. O'shanda yakuniy qaror qabul qilinadi. Bu takrorlanuvchi jarohat. Bu bizning nazoratimiz ostidagi narsa emas. Ansuda bunday jarohat boshqa takrorlanmasligiga qaratilgan aniq reja ishlab chiqamiz.

Afsuski, shunday holat yuzaga keldi. U endi o'ziga bo'lgan ishonchni qaytarib, o'zini yaxshi his qilayotgandi. U yomon ahvolga tushib qoldi. U bizga kerak. Ajoyib futbolchini yo'qotdik. Shu bois, bu vaziyatga barchamizga ta'sir ko'rsatdi.

Uning tiklanishi va jarohatlar haqida unutishi uchun ruhiy jihatdan yordam berishimiz kerak. Optimizmni saqlagan holda uning boshqa jarohatga yo'liqmasligiga umid qilishimiz zarur", - dedi Xavi.

Fati joriy mavsumda 10ta o'yinda ishtirok etib, 5ta gol muallifiga aylandi.