"Yuventus" va "Sevilya" "Marsel" hujumchisi uchun da'vogarlik qilishmoqda

"Marsel" hujumchisi Arkadiush Milikka "Yuventus" va "Sevilya" qiziqish bildirmoqda.

Manba bergan xabarga ko'ra, har ikki klub ham 27 yoshli polyakni mavsum oxirigacha ijaraga olmoqchi, biroq frantsuz jamoasi futbolchini sotish variantinigina ko'rib chiqishga tayyor.

2021/22 yilgi mavsumda Milik "Marsel" tarkibida 18 ta o'yinda maydonga tushib, 9 ta gol urgan. Transfermarkt.com portali hujumchining narxini 17 million evroga baholamoqda.