Mbappe umumiy guruh mashg'ulotlariga qaytdi

PSJ hujumchisi Kilian Mbappe jamoa bilan mashg'ulotlarga qaytdi, deb xabar beradi "L'Equipe".

Futbolchi shu hafta bo'lib o'tgan umumiy guruhdagi mashg'ulotlarni o'tkazib yuborgan. U chap oyog'ida biroz og'riqni boshdan kechirdi. Bir kun avval esa Mbappe tibbiy ko'rikdan o'tib, mashg'ulotlarga tayyorligi ma'lum bo'ldi.

Qayd etish lozim, frantsiyalik futbolchining PSJ bilan shartnomasi shu yozda yakuniga etadi.

Avvalroq Mbappega "Real"dan qiziqish borligi va hujumchining o'zi Madridga o'tish istagi borligi haqida bir necha bor xabar qilingan edi.

22 yoshli futbolchi chempionatning 19 o'yinida 10 ta gol urdi va 8 ta golli uzatmani amalga oshirdi.